Furt e naven!

Sut quest titel dinamic preschenta l’autura giuvna Carin Caduff ses emprim cudesch. Ella descriva en raquints curts situaziuns dal mintgadi: dal viadi a la lavur sur filistuccas da l’uffanza enfin muments bunamain absurds e ridiculs che laschan enavos in surrir a nus.
Ensemen cun las fotografias da Jaromir Kreiliger porscha quest cudesch ina invista giuvna sin il mintgadi e furma in bel spieghel actual da la Surselva.

Preschentaziun da cudesch per rumantsch

Text: Selina Dacy Cadonau

Nuala è ina pitschna diala a la tschertga da sia vocaziun, pertge ella bada ch’ella è autra che tschellas dialas.
A l’autura èsi reussì da raquintar senza parita didactica. Nuala è dal cumenzament “ina da nus” ed ans tschiffa cun ses dubis e la mirveglia natirala per la vita.
L’istorgia è illustrada da Mattea Gianotti.

In cudesch da lectura per uffants dal stgalim bass cun bleras illustraziuns ch’accumpognan il text.

Preschentaziun da cudesch per rumantsch

L’enconuschent scriptur Bernais na gioga betg mo cun il rumantsch, el è dapi blers onns in “fimader passiv» dal ladin, co ch’el descriva sasez.
L’autur pluriling Franz Hohler prelegia ord ses cudesch rumantsch-tudestg e demussa uschia sia relaziun tar il rumantsch.

Prelecziun per rumantsch e tudestg
Cun maisa da cudeschs da la Libraria Poesia Clozza

Inscunters nuncumplitgads cun auturAs rumantschAs da differents idioms. Sper la lectura stattan il barat ed ils discurs en il center.
In format che vegn apprezià tant dal public sco era d’auturAs.
Il punct dubel è in’acziun cumminaivla da la CER e da la ULR.

Ils puncts dubels enfin ussa

2022

2021     2020

2019     2018

2017     2016

2015     2014

2013     2012

2011     2010