Laura Schütz (*2002) viva actualmain a Falera. Ella è creschida si biling cun rumantsch e tudestg. Leger e scriver eran da pitschen ensi passiuns da Laura. Avant curt ha ella terminà il gimnasi a la Scola chantunala a Cuira cun la maturitad bilingua. Il raquint istoric “Hotel Destin” ha ella scrit a chaschun da sia lavur da matura. Perquai ch’ella na leva betg sa decider per ina lingua u l’autra, ha ella entretschà omaduas en sia istorgia.